Pas konfirmimit të Donika Prelës në detyrë, pasi kaloi procesin e Vettingut, ka reaguar deputeti demokrat Enkelejd Alibeaj. Në një deklaratë për mediat, Alibeaj akuzon se Vettingu po funksionon si vegël politike në duart e Ramës, ndërsa shtoi se me konfirmimin e Prelës, Reforma në Drejtësi ka dështuar.
“Operacioni Ndërkombëtar i Monitorimit gjeti se, në një kohë të shkurtër, Prela ka shitur prona 4 herë më shtrenjtë nga sa i ka blerë. ONM-ja gjeti se bashkëshorti i Donika Prelës ka fshehur të ardhurat, duke punuar në të zezë.
Vendimi për Prelën është marrë në shkelje të ligjit. Prela është takuar me anëtaren e trupës së komisionerëve, Valbona Sanxhaktari. Me firmën e Prelës është liruar nga burgu edhe Astrit Avdylaj”, tha ndër të tjera Alibeaj.
