Artistja shqiptare me famë botërore, Dua Lipa, po mban një konferencë për mediat pak orë para nisjes së festivalit “Sunny Hill” në Kosovë. Dua Lipa pritet të performojë sonte, pikërisht në natën e parë të festivalit. Festivali “Sunny Hill” do të mbahet deri më 7 gusht. 26-vjeçarja u shpreh se ndihet krenare dhe është shumë e lumtur për faktin që ndodhet sërish në vendin e saj.
“Dua vetëm të falenderoj të gjithë për ndihmën, energjinë dhe dashurinë që na jepni në këto ditë dhe mbështetjen për fondacionin që e kam shumë për zemër. Ndjehem krenare që jam këtu, vëmendjen e kam patur vetëm të performanca. Shpresoj që do t’iu pëlqej e të kënaqemi, po ndihem shumë mirë që jam në shtëpinë time, në vendin tim”, u shpreh Dua.
