Kompania gjigante në biznesin e Call Center-ave, “Facile.it” ka mbyllur aktivitetin e saj në vendin tonë.
Me anë të një njoftimi, i cili i përket datës 31 tetor, kompania italiane ka njoftuar se ka bërë likuidimin e degës shqiptare duke ftuar të gjithë kreditorët që të paraqesin pretendimet e mundshme.
Bazuar në të dhënat zyrtare të Qendrës Kombëtare të Regjistrimit, kompania Facile.it ka filluar aktivitetin e saj në Shqipëri para 5 vitesh. Me largimin e këtij gjiganti të komunikimit në fushën e shitjeve të shërbimeve në internet do të mbesin pa punë më mijëra të rinj shqiptarë. Para 10 ditësh është raportuar për mbylljen e 30 kompanive Call Center, (lajmin e plotë e lexoni këtu).
“Facile.it është një prej kompanive lider në tregun italian të konsulencës në tregun e sigurimeve. Rreth 1.5 milionë italianë i drejtohen kësaj kompanie për të përzgjedhur policat më të përshtatshme të sigurimit”-shkruan Scan.
Me kalimin e kohës është shtuar numri i kompanive që kanë vendosur të mbyllin aktivitetin e tyre. Kjo situatë vjen pas ashpërsimit të ligjit italian për kompanitë e shërbimeve Call Center, pasi synohet kthimi i aktivitetit të tyre në territorin italian nga jashtë kufirit ku operojnë aktualisht.
