Komisioni i Etikës, u mblodh për të shqyrtuar çështjen e Skënderbeut, por pas mbledhjes doli në konkluzionin për shtyrjen e vendimit.
Mbledhja filloi rreth orës 1:15 minuta dhe në orën 2:30 minuta të gjithë anëtarët i dhanë fund këtij takimi.
Federata Shqiptare e futbollit nëpërmjet një postimi ka njoftuar se gjykimi është shtyrë për në datën 23 qershor për shkak se Komisionit i është dashur të përfshijë në ketë proces edhe materiale të tjera të nevojshme për hetim.
Njoftimi i FSHF-së:
Komisioni i Etikes i mbledhur sot pranë FSHF-së, ka vendosur të shtyjë gjykimin e çështjes “Skënderbeu” për të përfshirë në proces edhe materiale të tjera të nevojshme për hetimin. Seanca e radhës është planifikuar për t`u zhvilluar në datën 23 Qershor, ora 13.00. Sakaq, Komisioni ka nisur hetimin edhe për ndeshjen Elbasani – Turbina Cërrik.
