Mbështetja e një subjekti politik i ka shkaktuar shumë një qytetari në Sarandë. Bëhet fjalë për David Luca, i cili është përballur me një ngjarje aspak të këndshme vetëm pak orë para nisjes së votimit.
Komisionerit të LSI-së në zgjedhjet parlamentare i kanë djegur tre makina që kishte në oborr të shtëpisë.
Ngjarja ka ndodhur rreth orës 12:15 në fshatin Shëndëlli të Sarandës, ndërsa pronari i automjeteve është i bindur se ngjarja ka ndodhur për arsye politike.
“Ngjarja ka ndodhur rreth orës 02:15 të ditës së sotme. Isha në gjumë kur ndodhi ngjarja, kam dëgjuar zhurmat e plasjes së gomave dhe dola jashtë, autorët u larguan për pak. Makinat ndodheshin në oborr dhe njëra nga makinat është djegur e gjitha. Më pas kam lajmëruar zjarrfikësen dhe policinë e cila ka ardhur pas dy orësh. Makinat më janë djegur për arsye politike sepse jam komisioner i LSI-së në fshatin Shëndëlli”, tha Luca për “BalkanWeb”.