Ndërkohë që numërimi i votave të zgjedhjeve parlamentare po shkon drejt përfundimit, sot në Kavajë do të numërohen 84 kutitë që vendosin për kryetarin e ardhshëm të Bashkisë.
Probleme me komisionerët janë shfaqur që në fillim të këtij procesi, ku kandidati i PD-së për Kavajën, Isa Sakja, është shprehur i shqetësuar për mungesën e komisionerëve të PS. Ata nuk kanë shkuar të ushtrojnë detyrën, duke bllokuar kështu procesin e numërimit, që duhet të fillonte në orën 8. Gjatë këtyre momenteve, bie në sy prezenca e një numri të madh policësh.
