OKB, nëpërmjet, Stephen O’Brien, Nënsekretari i Përgjithshëm për Çështjet Humanitarem raporton se numri i të infektuarve me kolerë në Jemen, ka kaluar 200 mijë vetë këtë javë.
Shefat e UNICEF-it dhe të OBSH thanë përmes një deklarate se po përballen me epideminë më të rëndë të kolerës aktualisht në botë, duke regjistruar mesatarisht 5000 raste të reja infektimesh në ditë.
Shefi i UNICEF-it, Anthony Lake tha se keqësimi i gjendjes humanitare në Jemen gjatë dy viteve të fundit me “6.8 milionë vetë në prag të zisë së bukës dhe 1300 të vdekur nga kolera, ishte një situatë e parandalueshme”.
Epidemia e kolerës filloi në një kohë kur vendi ka përjetuar dy vjet konflikt të rëndë, në luftën e koalicionit të udhëhequr nga sauditët kundër grupit Huthi, që ka vrarë të paktën 5000 civilë.
Arabia Saudite ka dhuruar 66.7 milionë dollarë për të mbështetur përpjekjet e UNICEF-it dhe Organizatës Botërore të Shëndetësisë për të luftuar kolerën në Jemen.
