Kapja e sasisë rekord të kokainës ka shkaktuar përplasje edhe sot në seancën parlamentare. Ish-kryeministri Sali Berisha tha se kryeministri Rama mashtroi në lidhje me autorësinë e kapjes së drogës.
Për këtë, Berisha solli në vëmendje deklaratën e policisë kolumbiane, e cila sipas tij, deklaroi se kapja e 613 kg kokainë është bërë në bashkëpunim me strukturat evropiane, duke hedhur poshtë pretendimet e kryeministrit Rama.
Teksa ka folur para deputetëve, Berisha kujtoi edhe njëherë përplasjen mes Edi Ramës dhe Fatmir Xhafajn, të cilët nuk patën të njëjtin qëndrim sa i takon kapjes së drogës. Sipas Berishës, i vetmi sukses për qeverinë Rama është rritja e trafiqeve të drogës.
Berisha replikoi edhe me ministri e Ekonomisë dhe Financave, ndërsa theksoi se importet kanë shënuar një rritje rekord, çka tregon se jo rastësisht kryesojnë në raport me eksportet.
Fjala e Berishës
Rama mashtroi për operacionin e kapjes së drogës. Policia kolumbiane tha se janë kapur në bashkëpunim me strukturat evropiane. Ju jeni gati të thoni se ky po gënjen. Ky është suksesi juaj? Rritja e trafiqeve.
Çfarë e shtyu Edi Ramën të thotë ne e kapëm? Çe detyroi Xhafajn të lëpijë atë që pështyu. Cilat janë këto shkaqe, ka vetëm një dhe vetëm një fakt, ai është Olsi Rama.
Pse nuk e arrestuat pronarin e “Arbri Garden”. Agjencitë më serioze të botës kanë lëshuar një akuzë disa herë më të fortë se kompania me banane. Në vitin 2017, eksportet janë 2,7 miliardë euro, kurse importet janë 6.2 miliardë euro. E shikon se çfarë injoranti keni apo jo.
