Kreu i grupit parlamentar të LSI-së, Petrit Vasili, tha sot se prokuroria shqiptare është një bisht i qeverisë. Me anë të një postimi në rrjetin social “Facebook”, Vasili ka reaguar sërish lidhur me sasinë rekord të kokainës të sekuestruar disa ditë më parë në Maminas.
Deputeti i LSI i ka bërë thirrje Prokurorisë që të zbardhë faktin se “pse qeveria në momentin e zbulimit të drogës nuk kërkoi praninë e shërbimeve partnere ndërkombëtare për vazhdimin e operacionit me qëllimin e vetëm zbulimin e rrjetit kriminal dhe peshkaqenëve të vërtetë dhe jo cironkave të lëna enkas”.
“Zbardhja e këtyre çështjeve është vija ndarëse mes një prokurorie qe lufton pa kompromis drogën, që godet peshkaqenët dhe jo cironkat dhe asaj prokurorie qe behet bisht i qeverise qe mbron trafikun e drogës dhe peshkaqenët drejtues te saj”, shkruan deputeti Vasili.
Postimi i plotë i Petrit Vasilit
Prokuroria te zbardhe se pse qeveria mbrojti peshkaqenet e medhenj te 613 kg kokaines ne kembim te disa cironkave.
Pse nuk heton prokuroria se per ç’qellim kryeministri beri deklarata krejt te kunderta ne raport me ministrin e brendshem per bashkepunimin me partneret nderkombetare.
Pse prokuroria nuk flet dhe nuk arreston sabotuesit e zbulimit te peshkaqeneve te medhenj te rrjetit kriminal te 613 kg kokaine apo 180 milion euro dhe devijimit te vemendjes drejt cironkave,qe e lene rrjetin kriminal te paprekur dhe i hedhin hi syve opinionit publik.
Pse nuk heton kush e lejoi kete Arber Çeken te ikte nga Shqiperia kur kish dyshime,precedente etj etj…
Pse nuk heton prokuroria se pse qeveria ne momentin e zbulimit te droges nuk kerkoi pranine e sherbimeve partnere nderkombetare per vazhdimin e operacionit me qellimin e vetem zbulimin e rrjetit kriminal dhe peshkaqeneve te vertete dhe jo cironkave te lena enkas.
Zbardhja e ketyre ceshtjeve eshte vija ndarese mes nje prokurorie qe lufton pa kompromis drogen,qe godet peshkaqenet dhe jo cironkat dhe asaj prokurorie qe behet bisht i qeverise qe mbron trafikun e droges dhe peshkaqenet drejtues te saj.
