Çështja e mosfunksionimit të radarëve në det, është njëri nga debatet që ka mbërthyer qeverinë dhe opozitën. Të shumta kanë qenë raste e denoncuara nga ana e opozitës për mosfunksionimin e radarëve, në periudhën kur ministre e Mbrojtjes ishte Mimi Kodheli.
Sipas opozitës mosfunksionimi i sistemit të radarëve ka bërë të mundur lehtësimin e trafikut ndërkombëtar të kanabisit. Por ndërsa çështja e radarëve është kthyer së fundmi në vëmendjen e publikut si shtojcë e skandalit ‘Tahiri-Habilaj’, kjo çështje mund të jetë një skandal edhe më i rëndësishëm, pasi dyshohet përfshirja e Forcave të Armatosura në lehtësimin e trafikut.
Në periudhën Janar-Prill 2016, kur gjithë vëmendja mediatike ishte e përqendruar te reforma në drejtësi, një grup ish-ushtarakësh dhe ish-zyrtarë të Ministrisë së Mbrojtjes kanë ndërrmarë një nismë të pazakontë, ata kanë hapur një faqe në Facebook të quajtur ‘Dosja Ministria Embrojtjes’ . Dosja e cila është zbuluar fillimisht nga Hashtag.al paraqet dokumente autentike edhe pse e publikuar një vit më parë, nisur që nga raporte kontrolli dhe auditimi, ku pasqyrohen shkeljet flagrante me procedurat e kontrollit të radarëve dhe dalja jashtë kontrolli e sistemit të radarëve.
Një prej dokumenteve më kryesorë të publikuar është një raport i Kontrollit të Lartë të Shtetit.
Ndërsa në faqe shkruhet: ” KODHELI KUNDËRSHTON TË GJITHA VENDIMET E KLSH, SHANTAZHON USHTARAKËT E PA BINDUR DHE SHPËRBLEN GJENERALËT ME YJE/GRADA“ KORRUPSIONI. GJENERALËT BLEJNË YJET E TYRE DUKE FIRMOSUR PËR PROÇEDURA KORRUPTIVE ME MILIARDA LEKË, KUR SHANTAZHOHEN DHE PËRJASHTOHEN NGA USHTRIA PERSONELI QË KA KUNDËSHTUAR REALIZIMIN E KËTYRE PROÇEDURAVE.
Kontrolli i Lartë i Shtetit, me shkresë Nr. Prot. 125/54, datë 30.09.2015 me lëndë “Mbi Auditimin në Ministrinë e Mbrojtjes dhe rekomandimet”, drejtuar Ministres së Mbrojtjes Znj. Mimi KODHELI, krahas konstatimeve të mangësive dhe shkeljeve të akteve ligjore e nënligjore në fuqi, të cilat paralelisht ishin trajtuar me detaje në Raportin Përfundimtar të Auditit, ka rekomanduar dhe kërkuar zbatimin e shumë masave (masa organizative, masa administrative-financiare me qëllim “shpërblim dëmi ekonomik” si dhe masa disiplinore), ku ndër më kryesoret, specifikisht për proçedurën e sistemit të radarëve, pasqyrohen si ne dokumentat shoqeruese:
