Ish-ministrja e Mbrojtjes, Mimi Kodheli e cila mban postin e zëvendëspresidentes së Asamblesë Parlamentare të Organizatës së Traktatit të Atlantikut të Veriut (NATO) ka bërë të ditur se situata në Ukrainë është shqetësuese. Në fjalën e marrë në Kuvend, ajo tha se Shqipëria është vend i NATO-s, dhe se Parlamenti mund të përdorë gjithë meknazimat për të bërë të qartë mbështetjen e Ukrainës.
“Kam ardhur mbrëmë nga mbledhja e Asamblesë Parlamentare të NATO-s, ku është diskutuar ekskluzivisht për situatën e rëndë dhe pushtimin e Ukrainës tashmë nga Rusia. Shteti shqiptar ka shumë mekanizma, duke nisur nga presidenti që mund të thërrasë Këshillin e Sigurisë, raportim në Parlament të Ministrave të Mbrojtjes të Jashtëm, po të doni edhe timin e ka dhe të drejtën të bëjë rezoluta sidomos për një situatë shumë të nderë dhe shqetësuese si është kjo. Shqipëria është vend i NATO-s, Parlamenti mund të përdorë gjithë mekanizmat për të bërë të qartë mbështetjen e Ukrainës dhe si e dënojmë qëndrimin e Rusisë”.
