Mimi Kodheli ka zhvilluar një takim elektoral me banorët e fshatrave Bardhoc dhe Shiqën në Kukës.
Ajo u kërkoi qytetarëve të Kukësit që t’i japin edhe një shans qeverisë “Rama” për të përfunduar reformat që ka nisur.
Gjithashtu, Kodheli renditi disa arsye përse Basha nuk mund të qeverisë vendin, ndërsa e akuzoi këtë të fundit edhe për “vrasjen e 4 burrave me duar në xhepa në shesh”.
“Unë nuk besoj se shpresën e jep ky djali i ri që xhiron bosh aty te plastmasi, kur me vota të vjedhura ka qeverisur Tiranën, absolutisht këtë e di si buka që ha përditë. Një herë ka pasur gisht në Rrugën e Kombit dhe i ka mbi kurriz nja 250 milion euro dhe unë që kam qenë bankiere dikur, mendohem mirë kur e them këtë shifër. Ka qenë 5 ditë ministër i Jashtëm dhe ia fali çerekun e detit komshijve, ka qenë 10 ditë ministër i Brendshëm dhe i ka vrarë katër burra me duar në xhepa në shesh. Zoti e ndihmoftë këtë djalin deri në fund të karrierës së vet politike, por ky nuk e meriton ta drejtojë Shqipërinë as sot, as nesër”, tha Kodheli.
