Shtetet e Bashkuara të Amerikës po shqyrtojnë mundësinë se si të ofrohet përkrahje më e fuqishme në dialogun Kosovë-Serbi.
Këtë e konfirmoi vetë zëdhënësja e Komisionit Evropian, Maja Koçijançiç pas kërkesës së Thaçit për përfshirjen e SHBA-ve në dialog.
Duke komentuar deklaratat e zyrtarëve shtetëror të Kosovës, Koçijançiç tha se SHBA-të e kanë mbështetur gjithnjë këtë dialog, ndërsa siguroi se do ketë sërish mbështetje për Ballkanin Perëndimor:
“SHBA-të gjithmonë e kanë përkrahur dialogun Kosovë-Serbi, i cili po ndërmjetësohet nga BE-ja dhe bashkarisht do të vazhdojmë bashkëpunimin e ngushtë në Ballkanin Perëndimor”, tha Koçijançiç për agjencinë “Beta”.
