Këshilltari ligjor i grupit parlamentar të PD-së, Gazment Bardhi ka nxjerrë emrat e kandidatëve të përzgjedhur të cilët nuk përmbushin kriteret si anëtarë të KLGJ-së dhe KLP-së.
Fillimisht fjalën e mori Oerd Bylykbashi, i cili tha se ka një mospërputhje mes kandidatëve të përzgjedhur dhe kritereve, të cilat i bëjnë të papranueshëm kandidaturat që u zgjodhën dje në short:
“Këto kandidatë kishin probleme që shkojnë nga mospërputhja e kritereve të qarta, deri në ato që janë të papranueshme ne kuadrin e ligjit të dekriminalizimit. Ne kemi bërë të detajuara vërejtjet tona për çdo kandidat. Sot do donim të paraqisnim një numër problemesh për disa kandidatura, që u përzgjodhën dje në short”, tha Bylykbashi, i cili më pas ia dha fjalën Bardhit.
Ky i fundit, teksa paraqiti dokumentet para medias, tha se kandidatët Altin Hazizaj, Sokol Lamaj, Ilir Panda, Kozma Jano dhe Alfred Balla nuk i përmbushin kriteret si anëtarë të KLP-së dhe KLGJ-së pasi, citoi ai:
Provat tregojnë që kandidatët e përzgjedhur për KLP dhe KLGJ nuk i përmbushin kushtet, por bëjnë të pavlefshme listën që është dërguar për kandidim në seancën e së enjtes.
Kandidati i emëruar për KLGJ, Altin Hazizaj ka depozituat në Kuvend një deklaratë ku thotë se nuk ka qenë i dënuar për kryerjen e një vepre penale. Kjo rezulton e rremë 20.07.2011, pasi Altin Hazizaj është i dënuar dy herë me vendim penal të formës së prerë për kryerjen e një vepre penale.
Kandidatët për në organet kushtetuese kanë për detyrë të plotësojnë formularët e Dekriminalizimit. Prokuroria ka konkluduar përfundimin se Hazizaj përfshihet në fushën e veprimit të ligjit të dekriminalizimit, për pasojë do të duhej të ishte skualifikuar nga gara.
Në Këshillin e Lartë Gjyqësor është zgjedhor Sokol Lamaj. Ligji vendos si kriter që kandidati do të duhej të kishte paguar rregullisht detyrimet tatimore. Në maj 2017 rezulton se Lamaj është subjekt i masave administrative për shkak se nuk ka zbatuar ligjin dhe nuk ka paguar tatimet.
Ilir Panda, pedagog, rezulton se në tetor 2017- ONM ka konstatuar se Panda ka qenë i angazhuar politikisht në nivele shumë të larta në të shkuarën.
Në KLP është zgjedhur Kozma Jano, sipas ligjit kandidatët nuk duhet të kenë qenë bashkëpunëtore të ish sigurimit të shtetit. Kozma Jano ka qenë bashkëpunëtor i sigurimit të shtetit me pseudinomin, telefoni.
Ky është një kriter që i ndalon Janos jo vetëm të jetë anëtar i KLP-së, por edhe të kandidojë. Kozma Jano ka qenë kryetar i Partisë Komuniste Shqiptare në Lushnje dhe më pas ka qenë kandidat i kësaj partie për anëtar këshilli.
Në KLP është përzgjedhur kandidati Alfred Balla. Në 12 janar 2018, Balla është konstatuar nga vëzhguesit e SHBA-së, që nuk plotëson kriteret ligjore, pasi nuk është angazhuar në 5 vitet e fundit në Shoqërinë Civile, platforma e tij është plagjiaturë.
