Ministri i Turizmit dhe Mjedisit, Blendi Klosi, ka folur mbrëmjen e sotme për masat lehtësuese të qeverisë.
Në një intervistë për emisionin “Open” në Top Channel, Klosi tregoi pse nuk lejohet ende bërja e plazhit në Shqipëri. Sipas tij, problem mbetet tek grumbullimi i qytetarëve në plazhe.
“Këtë pyetje keni 2 muaj që ma bëni. Në fillim më keni pyetur pse nuk lejohet të dalin njerëzit nga liqeni.
Tani ne nuk lejojmë plazhet, se aty do ketë një grumbullim të njerëzve, duke rrezikuar përhapjen e virusit. Nuk është e thënë se doli dielli dhe virusi u largua. Jo, virusi është aty, nuk ka ikur”, u shpreh ai.
