Këshilli i Lartë Gjyqësor ka vendosur kualifikimin e kandidatëve Ervin Pupe, Ilir Panda dhe Sokol Sadushi për në Gjykatën e Lartë.
KLGJ do të mblidhet nesër në orën 12:30, ku pritet të hedhë një hap të rëndësishëm në zgjedhjen e anëtarëve të parë të Gjykatës së Lartë.
Aktualisht në Gjykatën e Lartë ushtron detyrën vetëm një gjyqtar pasi të tjerët u shkarkuan nga procesi i vetting-ut ose dhanë dorëheqjen.
Njoftimi:
Shqyrtimi i projektvendimeve të përgatitura nga Komisioni i Zhvillimit të Karrierës:
1- “Për verifikimin e kushteve dhe kritereve ligjore për emërimin si gjyqtar pranë Gjykatës së Lartë të kandidatit z. Ervin Pupe”, relatore Marçela Shehu;
2- “Për verifikimin e kushteve dhe kritereve ligjore për emërimin si gjyqtar pranë Gjykatës së Lartë të kandidatit z. Ilir Panda”, relator Alban Toro;
3-“Për verifikimin e kushteve dhe kritereve ligjore për emërimin si gjyqtar pranë Gjykatës së Lartë të kandidatit z. Sokol Sadushi”, relator Dritan Hallunaj.
