Deputeti demokrat, Klevis Balliu, ka lëshuar një deklaratë të fortë teksa ka komentuar protestën e banorëve të Astirit. Këta të fundit kërkojnë dëmshpërblim me vlerën e tregut për banesat që preken nga projekti i Unazës së Madhe.
Teksa një vëmendje e shtuar ka qenë nga deputetët demokratë, e po kështu dje edhe nga kryetarja e LSI, ai tha se kjo ngjarje nuk po përdoret politikisht.
Balliu tha në emisionin “Dritare” se asnjë deputet i PD-së nuk është përplasur me Policët Bashkiakë para Bashkisë së Tiranës. Madje ai nuk hezitoi të thotë se do të japë dorëheqjen nëse kjo gjë është e vërtetë.
“Unë e jap dorëheqjen sot nëse ka një deputet të opozitës që u përplas me Policinë Bashkiake. Këtë e bëri ai për ta përdorur politikisht. Në të kundërt ta japë ai dorëheqjen, si shpifës zyrtar që është. Se ai është emblema e mashtrimit”, tha Balliu.
