“Kjo që më ndodhi mua, mos i ndodhtë askujt”. Kështu është shprehur i ati i vajzës së përdhunuar muaj më parë. Kjo ngjarje e cila ka tronditur mbarë opinionin publik, ka sjellë edhe reagimin e parë publik nga ana e familjarëve të vajzës.
Po kështu, i ati i së miturës ka konfirmuar se vajza ka marrë ndihmën e duhur nga ana e psikologëve.
“Kjo që më ndodhi mua, mos ti ndodhi asnjërit! Mos e paçit këtë rrisk. Uroj që vajza ime të jetë e fundit që i ndodh kjo gjë. I bëj thirrje mediave, nëse jam plagosur një herë, ju lutem mos me plagosni për së dyti. Më lejoni ta përballoj me forcat e mia dhe njerëzit që më kanë mbështetur”, tha ndër të tjera i ati.
Ministrja e Shtetit për Marrëdhëniet me Parlamentin, Elisa Spiropali, është takuar ditën e sotme me familjarët e vajzës së mitur nga Kavaja e cila u abuzua seksualisht nga 8 adoleshentë.
