Kryeministri Edi Rama ka folur për rrezikun e bombave molotov, të përdorura masivisht në protestën e opozitës së bashkuar.
Rama tha se përdorimi i këtyre bombave mund të jetë fatal, teksa ato mund të hedhin në erë trupin e njeriut
Duke folur për rrezikshmërinë e këtyre bombave, kryeministri shprehu respekt për gazetarët dhe efektivët e policisë që kanë rrezikuar jetën në krye të detyrës.
“Bombat motolov janë armë, përdoreshin për të hedhur në erë tanket. Një bomobë molotv që plas ngjitur me trupin e njeriut, e hedh në erë njeriun, nuk është lojë! Janë mjete luftarake. Dhe po kështu ato kapsolla. Ishim këtu kur një kapsollë i preu dorën një vajze të re, efektive të policisë. Mund t’i kishte hedh kokën në erë, i plasi në dorë duke e nxjerrë.
Imagjinoni çfarë katastrofe e tragjedia do ishte për të, por edhe tashmë për çdo gazetar, operator apo protestues. Kjo është një shfaqje papërgjegjshmërie. Respektin më të madh për të gjithë punonjësit e policisë, për drejtuesit”, tha Rama ndër të tjera.
