Nëse keni vështirësi në krijimin e një harte në mendjen tuaj, atëherë kjo mund të jetë një nga simptomat e hershme të sëmundjes alzheimer.
Ky është përfundimi i një studimi nga Universiteti Uashington në St. Louis, ku hulumtuesit përdorën një labirint virtual kompjuterik për të testuar aftësitë e navigacionit hapësinor të tri grupeve të pjesëmarrësve: Njerëz të shëndetshëm, persona të rritur që janë në fazën e parë të alzheimer dhe personat të cilët nuk shfaqnin simptoma, por rrezikoheshin nga sëmundja.
Personat që ishin në fazat e para të sëmundjes dhe personat që nuk shfaqnin simptoma performuan më dobët në testet e navigacionit hapësinor krahasuar me grupin e shëndoshë.
Këto simptoma mund të shfaqen një dekadë ose shumë më para se të shfaqet sëmundja. Gjithashtu, shenja të tjera janë humbja e orientimit kur jeni duke u rikthyer nga një vend i ri.
Megjithatë, kjo mund të jetë një nga shenjat, por sipas studimit këto simptoma nuk tregojnë domosdoshmërish shfaqjen e alzheimer.
