Ministri i Mbrojtjes së Turqisë, Hulusi Akar, ka reaguar ashpër ndaj titullit të një gazete greke, e cila ofendon presidentit Erdogan. Tensionet Turqi-Greqi nuk janë “zbutur”, ndërkohë që palët vijojnë me deklarata në distancë. Në Kohën kur Turqia dhe Greqia i kanë marrëdhëniet e agravuara, mjafton një titull që të bëhet ‘mollë sherri’. Pavarësisht ndërhyrjes së vazhdueshme nga Franca e Gjermania, asnjëra nga palët nuk toleron, pavarësisht se flitet për dialog.
Akar ka shpërthyer lidhur me titullin e një gazete greke, që ofendon presidentin Recep Tayyip Erdogan. “Dënojmë ashpër shprehjen që është jashtëzakonisht pa nivel e cila vendos në objektiv presidentin tonë në një gazetë greke që nuk ka lidhje me gazetarinë dhe e cila, përfshirë edhe popullin grek nuk mund të pranohet nga askush që është me mendje të shëndoshë. Kjo foto turpi do të mbesë një njollë e zezë në historinë e shtypit grek”, tha ministri Akar.
Ai nuk e ka lënë me kaq, por presin nga autoritetet greke që të ndërmarrin veprimet e menjëhershme ndaj stafit të gazetës.
“Ne presim nga autoritetet greke që të ndërmarrin menjëherë veprimet e nevojshme administrative dhe gjyqësore, kundër këtyre imoralëve, të cilët tashmë janë dënuar në ndërgjegjen publike dhe të cilët synojnë të sabotojnë marrëdhëniet mes dy vendeve”.
