Një vajzë e lindur në Manila, Filipine, është shpallur personi i 8 miliardë në botë. Foshnja Vinice, simbolikisht personi i 8 miliardë në botë, lindi të hënën në Qendrën Mjekësore Memorial Dr. Jose Fabella në Manila, tha Komisioni për Popullsinë dhe Zhvillimin në një deklaratë të martën.
Nëna, 27-vjeçarja Margarette Mabansag, pati një lindje normale në orën 1:29 të mëngjesit.
Popcom i quajti Vinicen dhe të porsalindurit e tjerë si “kontribuesit e ardhshëm dhe të mundshëm në përparimin dhe zhvillimin e Filipineve, duke pasur parasysh ndërhyrjet e duhura qeveritare dhe shoqërore për shëndetin, arsimin, ushqimin dhe nevoja të tjera themelore”.
Lindja e Vinice erdhi në një kohë kur shkalla totale e lindshmërisë në Filipine ka treguar një rënie të paprecedentë, siç raportohet nga Autoriteti i Statistikave të Filipineve.
Ndërsa popullsia e botës e kapërceu shifrën tetë miliardë, shkalla totale e fertilitetit të grave filipinase të moshës 15 deri në 49 vjeç për vitin 2022 ra në 1.9 fëmijë, nga 2.7 fëmijë në 2017.
Popullsia e botës kaloi 8 miliardë njerëz të martën, sipas Kombeve të Bashkuara.
Burimi i lajmit: inquirer.net. Përshtatur nga Tirana Today
