Studentë të universiteteve të Durrësit, Elbasanit dhe të Korçës, bojkotuan mësimin dhe një pjesë e tyre janë nisur drejt Tiranës.
Prej më shumë se një orë ka nisur në kryeqytet marshimi i studentëve nga i gjithë vendi, drejt Ministrisë së Arsimit, për të protestuar ndaj tarifave të larta të universiteteve dhe përmirësimit të kushteve të jetesës.
Në kërkesat e tyre, të paraqitura më shkrim, studentët kërkojnë heqjen e tarifës për provimet e mbartura dhe përgjysmimin e tarifës së shkollimit.
