Një i dënuar i cili ishte shpallur në kërkim nga ana e policisë, është arritur që të kapet. Shtetasi me inicialet L. C., 35-vjeç, në datën 9 nëntor 2018 ka marrë leje nga burgu për të shkuar në shtëpi (në Tepelenë), dhe nuk është kthyer në institucion në datën e përcaktuar. Ai vuante dënimin në IEVP Peqin, pasi ishte i dënuar me 9 vite burg për veprën penale “Prodhim dhe shitje lëndësh narkotike”.
“Policia lokalizon dhe kap një shtetas të shpallur në kërkim, për veprën penale “Largimi i të burgosurit nga vendi i qëndrimit”. Shërbimet e Policisë së Komisariatit Nr.3, lokalizuan dhe kapën shtetasin në kërkim L. C., 35-vjeç, lindur në Tepelenë dhe banues në Tiranë.
Ky shtetas vuante dënimin në IEVP Peqin, pasi ishte i dënuar me 9 vite burg për veprën penale “Prodhim dhe shitje lëndësh narkotike”. Në datën 9 nëntor 2018 ka marrë leje nga burgu për të shkuar në shtëpi (në Tepelenë), dhe nuk është kthyer në institucion në datën e përcaktuar.
Veprimet e mëtejshme në lidhje me këtë shtetas do kryhen nga Komisariati i Policisë Tepelenë”, bën me dije policia.
