Një peshkatar në Pogradec ka humbur kontaktet me familjen. Mësohet se ai kishte dalë për peshkim mëngjesin e sotëm në liqenin e Pogradecit me varkë, por nuk është kthyer më.
Rasti është denoncuar në polici nga familjarët e peshkatarit, ndërsa mjetet e policisë kufitare janë vënë në kërkim të personit që rezulton i humbur.
Policia kufitare ka njoftuar edhe palën maqedonase, pasi dyshohet se varka mund të jetë shtyrë nga dallgë në pjesën tjetër të liqenit të Ohrit.
