Një ngjarje e rëndë ka ndodhur në Itali, teksa gjatë një gjuetie të përbashkët për derra të egër, i biri ka vrarë aksidentalisht babanë e tij.
Sipas mediave italiane, dy personat ishin duke lëvizur nëpër shkurre të dendura afër qytezës Postiglione, në provincën jugore të Salernos, në momentin e incidentit.
34-vjeçari ka qëlluar me armë gjahu në momentin kur ka parë një hije dhe kishte dëgjuar diçka që po lëvizte. Por hija që ai kishte parë ishte babai i tij 55-vjeçar, i cili mori plagë të rënda nga goditja.
I biri kishte lajmëruar menjëherë autoritet, por mjekët nuk kanë mundur të bëjnë asgjë për ta mbajtur gjallë 55-vjeçarin, Martino Gaudioso.
Babë e bir kishin dalë për gjah në një zonë të parkut kombëtar ku gjuetia është e ndaluar me ligj, duke bërë që policia t’i konfiskonte atyre armët.
34-vjeçari është arrestuar nën akuzën e vrasjes me armë zjarri.
