Një majmun ka tërhequr zvarrë një vajzë tre vjeçare, e cila luante në rrugë. Ky moment i frikshëm është kapur nga kamerat, teksa tregon një majmun që sulmon vogëlushen në një fshat afër Chongqing, Kinën jugperëndimore, të martën pasdite.
Vajza e vogël po luante e vetme me skuterin e saj, në një rrugë të qetë përpara se majmuni të zvarritej tek ajo, t’i kapte kokën dhe ta tërhiqte me egërsi në rrugicë.
Fatmirësisht një kalimtar vuri re tentativën për rrëmbim, dhe e ndoqi majmunin në rrugë duke shpëtuar fëmijën.
Ky nuk është rasti i parë ku majmuni bën sulme të tilla. Zyrtarë kanë shprehur shqetësimin se nga ky majmun kanë ndodhur edhe sulme të tjera në zonën lokale, sipas Global Times.
Ky ishte sulmi i parë ndaj një fëmije. Nëna e vajzës tha se ajo ishte duke gatuar në shtëpi. Një fqinj më pas i tha zonjës Liu se çfarë ndodhi.
Vajza e saj u dërgua në spital për mjekim dhe vaksinim.
Policia nuk ishte në gjendje të kapte majmunin, i cili vinte nga malet aty pranë.
Pasi të kapet, policët thanë se do t’i dorëzohet agjencisë për mbrojtjen e kafshëve të egra.
Departamenti lokal i pyjeve tha për mediat se sulmet e majmunëve të egër janë të rralla.
Burimi i lajmit: dailymail. Përshtatur nga Tirana Today
