Pekini po përdor shtupat anale për të testuar banorët e tij për koronavirusin, një metodë që ekspertët thonë se është më e saktë dhe rrit shanset për zbulimin e virusit.
Për të mbledhur mostrat e acidit nukleik, shtupa duhet të futet rreth dy deri në tre centimetra (0,8 deri 1,2 inç) dhe të rrotullohet disa herë. E gjithë procedura thuhet se do të zgjasë rreth 10 sekonda.
Që nga 17 janari, më shumë se tre milion banorë në tre rrethe të Pekinit kanë marrë testimin e koronavirusit në një përpjekje për të ndaluar përhapjen, shkruan Daily Mail.
Më shumë se 1.000 persona iu nënshtruan një shumëllojshmërie të testeve të acidit nukleik duke përfshirë shtupat anale.
Shtupat anale janë përdorur në Kinë për të testuar koronavirusin që nga viti i kaluar, por metoda përdoret kryesisht në grupet kryesore në qendrat e karantinës.
Duke folur për transmetuesin shtetëror CCTV, Li Tongzeng nga Spitali You’an i Pekinit tha se gjurmët e koronavirusit qëndrojnë më gjatë në anus ose jashtëqitje sesa ato mostra të marra nga fyti dhe shtupat e hundës.
“Ne zbuluam se disa pacientë asimptomatikë kanë tendencë të shërohen shpejt. Është e mundur që të mos ketë asnjë gjurmë të virusit në fytin e tyre pas tre deri në pesë ditë”,- tha Li.
