Deri para pak ditësh Kina ishte në izolim të plotë, pas përhapjes masive të koronavirusit i cili tashmë ka fituar terren në të gjithë botën.
Por nga dita në ditë Kina po shënon përmirësime të dukshme, teksa numri i të infektuarve dhe viktimave po ulet ndjeshëm.
Tashmë Kina nuk është më epiqendra e koronavirusit, duke ja lënë kontinentit të Evropës këtë emërim tashmë.
Kina po i rikthehet dalë ngadalë normalitetit, teksa mediat e huaja raportojnë se në provincën Guizhou në jugperëndim të Kinës, fëmijët kanë filluar të frekuentojnë shkollat.
Kjo provincë, ka mundur të nxjerrë nga spitali dhe personin e fundit të infektuar me COVID-19.
Kjo provincë numëroi plot 146 persona të infektuar, dy prej të cilëve humbën dhe jetën si pasojë e virusit.
Deri më tani në të gjithë botën janë konfirmuar 181,202 persona të infektuar, ndërsa numri i viktimave ka shkuar në 7,100 persona.
