Para pak ditësh autoritetet amerikane hynë në ambientet e konsullatës kineze në Houston, nën akuzën se ishte bazë e një rrjeti spiunazhi.
Ndërkohë Kina nuk ka ndenjur duarkryq, por është “hakmarrë” ndaj SHBA-së.
Mëngjesin e sotëm, autoritetet kineze kanë marrë kontrollin e konsullatës amerikane në Chengdu, personelin e së cilës e kishin lajmëruar më herët që duhej të largohej.
Ngjarja u ndoq nga qindra qytetarë kureshtarë, të cilët panë forcat e policisë të hynin nga dera kryesore e godinës së konsullatës amerikane në provincën e Sichuan.
Vlen të theksohet fakti se marrëdhëniet mes Kinës dhe Shteteve të Bashkuara janë përkeqësuar ndjeshëm përgjatë vitit të fundit, për shkak të luftës tregtare si dhe pandemisë së koronavirusit.
