Ylli televiziv, Kim Kardashian, duket se po i qëndron besnike premtimit të saj, për të luftuar për reformën e burgjeve.
CNN ka shkruar se Kim ka punuar përgjatë këtyre 3 muajve të fundit për të ndihmuar në heqjen e dënimit me burg të përjetshëm, 17 të burgosurve për drogë, të cilët janë shkelës për herë të parë.
Brittany K. Barnett, avokatja personale e Kim dhe dhe MiAngel Cody, këshilltarja e The Decarceration Collectiveha, thanë se 39-vjeçarja luajti një rol të rëndësishëm në lirimin e këtyre të burgosurve.
“Kim ka financuar këtë projekt dhe është përkrahëse e fushatës sone 90 Days of Freedom si pjesë e First Step Act, që Trump e nënshkroi tek ligjet vitin e kaluar,”-tha Cody.
Ndërkohë Barnett shtoi se pa Kardashian në bazën e projekt-ligjit, kjo nuk do të kishte qenë e mundur.
“Kim siguroi mbështetje financiare për të mbuluar shpenzimet ligjore në mënyrë që ne të mund të udhëtojmë në vendin tonë. Marrëdhëniet tona me klientët tanë nuk përfundojnë kur ata lirohen. Kim është me të vërtetë e përkushtuar në këtë çështje. Po punoj personalisht me të, jemi me të vërtetë mirënjohës”, shtoi Barnett.
Sipas CNN, ylli televiziv gjithashtu ndihmon financiarisht të burgosurit të kthehen në shtëpitë e tyre pas lirimit nga burgu.
Madje kujtojmë se vitin e kaluar, Kardashian vizitoi presidentin amerikan, Donald Trump në Shtëpinë e Bardhë, për të folur për rastin e Alice Marie Johnson, që ishte dënuar për një krim të lidhur me drogat, prej dy dekadash tashmë. Një javë më vonë, presidenti ndryshoi dënimin e 64-vjeçarja dhe u lirua.
