Masakra çnjerëzore e Srebenicës, ku në vitin 1995 regjimi i Millosheviçit vrau barbarisht 8000 muslimanë boshnjakë, rikthehet në vëmendjen e ndërkombëtarëve. Këshilli të Evropës i kërkoi sot Serbisë të njohë këtë krim zyrtarisht si një gjenocid.
Në një raport të ekspertëve të Këshillit të Evropës, kundër racizmit dhe intolerancës, u kërkohet drejtuesve politikë të Serbisë të pranojnë zyrtarisht se, masakrat e kryera në Srebrenicë, në lindje të Bosnje Hercegovinës përbëjnë një gjenocid.
Këshilli i Evropës vlerëson se nuk është e mjaftueshme falja e kërkuar prej Parlamentit dhe Presidentit të Serbisë, ndaj shpreh keqardhje për faktin që, asnjëri prej tyre nuk ka pranuar që këto masakra përbëjnë një gjenocid të mirëfilltë, ashtu siç është cilësuar edhe nga gjykatat ndërkombëtare.
