Khabib Nurmagomedov pas fitores me Conor McGregor është duke programuar sërish rikthimin në kafaz. Ai kërkon që të zhvillojë një ndeshje të madhe që të mbahet mend dhe mesa duket është në rrugën e duhur duke parë kundërshtarin.
Pas disa tentativave për të zhvilluar një ndeshje boksi me Floyd Mayweather është rikthyer të përballja në MMA, aty ku ia lejon edhe kontrata që ka me UFC-në. Menaxheri i rusit njoftoi pak orë më parë se po projektohet një surprizë e madhe dhe shumë shpejt ka dalë në skenë emri i kundërshtarit të radhës së kampionit të peshave të lehta.
https://twitter.com/MMATeamDagestan/status/1056878966752063488
Ideja kryesore që po qarkullon tani është përballja me kanadezin St-Pierre, ish-kampion bote në peshat e lehta dhe ato të mesme, i njohur për aktivitetin e tij në artet marciale mikse. Tashmë ai është 37 vjeç dhe është i tërhequr nga sporti, por rikthimi i tij në kafaz është mëse i mundur edhe pse kanadezi ka një vit që nuk ndeshet.
Vetë Khabib ka pranuar se është fans i madh i St-Pierre dhe është rritur duke parë ndeshjet e tij në televizor. Tani ai ka mundësinë që të ndeshet me idhullin e tij, i cili ndeshjet e fundit e ka në UFC 217-të, ku mundi Michael Bisping dhe mori titullin e peshës së mesme.
