Kevin Qoku, 11 vjeç, spikati në shoqërinë tonë pasi shet lule për të blerë librat. I mituri bën këtë punë prej vitesh, e duket se i’a ka marrë dorën. E ëma e tij rrëfeu se nuk e kishte aspak të lehtë që djalin ta nxirrte në rrugë, por pamundësitë ekonomike e detyruan.
I mituri, pas shkollës i duhet që të dalë për të shitur lule deri në orën 22:30, dhe gjithmonë është në shoqërinë e të atit dhe të dajës.
Djali së bashku me familjen jetojnë në një shtëpi me qira, ndaj e ka parë të udhës që të dalë e të shesë lule. Në një intervistë në “Shqipëria Live”, ai tha me çiltërsinë e tij se këtë punë e bën me kënaqësi, por ka edhe lodhje. “Dola të shisja, për të ndihmuar familjen”. E madje ai kujton se një herë ka shkuar i papërgatitur në shkollë. Kevin ka dhënë shembullin e sakrificës dhe punës së ndershme për të arritur qëllimet në jetë!
