Këngëtarja e njohur e muzikës popullore, Valbona Halili ka treguar për herë të parë se si është njohur me bashkëshortin e saj.
E ftuar në emisionin “Rudina” në TV Klan, Halili tha se me të shoqin është njohur në një koncert në Zvicër.
“U bënë vite që jam njohur me Arturin. Ka qenë koncerti im i parë në Zvicër kur jemi takuar për herë të parë, ai është muzikant. Më bëri për vete dhe kuptova që mes nesh lindi diçka. Me kalimin e kohës gjërat erdhën natyrshëm dhe lidhja jonë u finalizua me ardhjen në jetë të tim biri. Arturi është një baba shumë i mirë dhe krahu djathtë i imi. Ai ishte tirons tipik dhe më ngacmoi shumë, unë delikate në natyrën time, por ma mori zemrën. Ne ishim grup kur shkonim nëpër koncerte dhe ai thoshte: ‘Këtë mendjemadhen do ta bëj për vete dhe më bëri”, tha këngëtarja.
Ajo promovoi në emision klipin e saj më të fundit, me titull “Zemrën ma ke borxh”.
