Lufta në Ukrainë me gjasë mund të përfundojë në fillim të majit, kur Rusisë t’i mbarojnë burimet për të sulmuar fqinjin e saj, tha Oleksiy Arestovich, një këshilltar i shefit të shtabit të presidentit ukrainas.
Bisedimet midis Kievit dhe Moskës – në të cilat Arestovich nuk është i përfshirë personalisht – deri më tani kanë prodhuar shumë pak rezultate përveç disa korridoreve humanitare nga qytetet e rrethuara të Ukrainës. Në një video të publikuar nga disa media ukrainase, Arestovich tha se koha e saktë do të varej nga sa burime ishte i gatshëm të angazhonte Kremlini për fushatën.
“Mendoj se jo më vonë se maji, fillimi i majit, duhet të kemi një marrëveshje paqeje, ndoshta shumë më herët, do të shohim, po flas për datat e fundit të mundshme”, tha Arestovich.
“Ne jemi në një rrugë të ngushtë tani: ose do të arrihet një marrëveshje paqeje shumë shpejt, brenda një ose dy javësh, me tërheqjen e trupave dhe gjithçka, ose do të ketë një përpjekje për të grumbulluar disa, të themi, sirianë për një raund te dytë dhe, kur t’i bluajmë edhe ato, një marrëveshje deri në mes të prillit ose në fund të prillit”.
Një skenar “plotësisht i çmendur” mund të përfshijë gjithashtu dërgimin e rekrutëve të rinj nga Rusia pas një muaji trajnimi, tha ai.
Megjithatë, edhe pasi të arrihet paqja, përleshjet e vogla taktike mund të mbeten të mundshme për një vit, sipas Arestovich, megjithëse Ukraina këmbëngul në largimin e plotë të trupave ruse nga territori i saj. Lufta në Ukrainë filloi më 24 shkurt, kur presidenti rus Vladimir Putin filloi atë që ai e quajti një “operacion ushtarak special”, sulmi më i madh ndaj një shteti evropian që nga Lufta e Dytë Botërore.
Burimi i lajmit: thedailystar. Përshtatur nga Tirana Today
