Kërkuesit ndahen në dy grupe sesi duhet të veprohet, ndërsa mbarë bota po vuan pasojat e koronavirusit. Shumë shtete kanë gjetur një alternativë të ndërmjetme, duke vendosur një fashë orari por jo një izolim të plotë. Pasi kjo do të sillte pasoja jo vetëm të shëndetit mendor, por edhe atë ekonomike. Izolimi i parë dha efektet e drejtëpërdrejta në ekonomi, duke shkaktuar edhe shumë shkurtime vende pune.
Këshilltari i qeverisë britanike për menaxhimin e pandemisë, Jeremy Farrar, është i mendimit se karantina kombëtare do të ishte më e efektshme. Ai përsëriti edhe një herë se mënyra më e mirë për të reduktuar transmetimin e virusit, është karantina kombëtare.
Farrar shtoi se ndërsa qeveria duhej të kishte vepruar që në shtator, është ende në kohë që të veprojë në mënyrë efektive. Komentet e tij, Jeremy i bëri për Sky News, ndërsa shtoi se gjëja më e keqe që mund të bëhet është që të pritet deri në nëntor për të vepruar. Ai nuk ka dhënë sinjale aspak shpresëdhënëse për daljen e vaksinave tani. Anëtari i grupit këshillimor shkencor të qeverisë, tha se vaksinat mund të fillojnë të bëhen të disponueshme në tremujorin e parë të 2021.
