Këshilli bashkiak i Shkodrës pritet të konstituohet të hënën. Mbledhja e parë do të zhvillohet në orën 11:00, në ambientet e Rektoratit të Universitetit “Luigj Gurakuqi”.
Në rendin e ditës janë tre pika, konstituimi i këshillit bashkiak dhe zgjedhja e organeve drejtuese e përfaqësuese, zgjedhja e përfaqësuesve të këshillit të bashkisë në këshillin e Qarkut Shkodër, si dhe shpallja e vlefshmërisë së mandatit të kryetarit të bashkisë Shkodër.
Ndonëse pritet të konstituohet këshilli bashkiak, nga ana tjetër nuk do të kemi betimin e kryetarit të ri. Pretendenti për bashkinë e Shkodrës hoqi dorë nga marrja e detyrës një ditë më parë, pasi Partia Demokratike i zbuloi një dënim me burg në Itali për ‘trafik droge’.
