Ditën e sotme në media është shpërndarë enje deklaratë e “Këshillave Studentorë” të universiteteve publike. “Studentë” të këtyre këshillave pretendojnë se janë në krye të protestës.
Por në të vërtetë zgjedhjet e fundit për këshillat studentorë të universiteteve publike janë bërë në vitin 2011.
Kjo do të thotë se asnjë nga studentët e sotëm nuk ka votuar për ata hiqen si përfaqësues të tyre. Është e çuditshme që edhe ata vetë, pas 7 vjetësh, të jenë akoma studentë.
Një pjesë prej tyre njihen si anëtarë të forumeve rinore të partive.
“As ata, askush tjetër nuk janë përfaqësues të protestës. Mijëra studentët e mbledhur në shesh janë shembulli demokracisë së drejtpërdrejtë.
Aktivistët e Lëvizjes Për Universitetin shprehin keqardhjen që personat në fjalë, në vend se t’u japin studentëve mesazhe bashkimi, i fryjnë zjarrit të përçarjes.
“Studentët e bashkuar kanë për të fituar!” shkruhet në reagimin e Lëvizjes për Universitetin.
