Ekspertët nuk qëndrojnë në të njëjtën linjë, nëse rritja e temperaturave do të ndikonte për parandalimin e koronavirusit. Shumë shkencëtarë mbeten shpresëplotë se një gjë e tillë do të ndodhte, e për disa të tjerë mundësia është tejet e vogël.
Duke iu referuar virologes Ilaria Capua e cila drejton një qendër shëndetësore të ekselencës në Universitetin e Floridas, ekzistojnë “mundësi zero” që koronavirusi të zhduket me ardhjen e stinës së verës.
Capua, në referim të virusit SARS, tha se ai “u zhduk në verë, por jo për shkak të nxehtësisë. SARS u ndalua nga masat e kontrollit dhe jo nga nxehtësia”.
Koronavirusi, thotë Capua, “nuk është një virus super rezistent, në të vërtetë është i brishtë, por ai transmetohet lehtë”.
“Ky është një fenomen epokal. Bota është përballë një emergjence shëndetësore që nuk është një tunel i pafund. Ne do të dalim prej saj, edhe pse të gjithë do të jemi të ndryshëm”.
