Përplasja mes deputetit socialist Erion Braçe dhe ministrit të Bujqësisë, Edmond Panariti, ka shkaktuar reagimin e deputetit demokrat Luçiano Boçi.
Braçe ka sulmuar prej dy ditësh Panaritin, duke i kërkuar llogari për cmimet e ulëta me të cilat shiten produktet shqiptare, duke u shkaktuar një dëm të madh fermerëve.
Por, Boçi ka reaguar, duke e pyetur Braçen se ku ishte këto 4 vjet si dhe shprehet se nuk e kupton nëse deputeti socialist është në qeveri, apo në opozitë.
REAGIMI I LUAÇIANO BOÇIT:
Po lexoj këtë Braçen që po bën si i përvuajtur për fermerët, për qumështim, domaten, qepën dhe po “replikon” me fcb me Panaritin.
Po mirë, mirë se në fushatë është….
Një një s’po kuptoj.
Ky ishte në opozitë apo qeverisje?!
Ishte gjë kryetar komisioni ekonomie ky që të thërriste Panaritin dhe një më një t’i kërkonte llogari?!
Po në sallë pse harxhonte më shumë frymë me sha e çjerrë se sa me bë punën e deputetit?!
Ç’është ky kllounizëm zgjedhor?!
Po katër vite ky nuk pipëtiu asnjerë në parlament për këto halle të vërteta, por kërkonte “rendin e ditës”!
Vetëm buzëqeshje i dhuronte Panaritit dhe britma neve të opozitës kur flisnim për këto halle.
E harroi dermatozën ky, apo mollët e pashitura, patatet e mbetura stok, ullirin, qershinë, apo të tjera e të tjera.
Tani na paska rënë në dashuri me fermerët ky që i ka ardhur “qumështi” (veza) tek vendi (….)???!!!
Po katër vite cfarë bën këta për fermerët bashkë me Braçen & co, përveç përbuzjes, zhvlerësimit, rropatjes, neglizhimit?!!!
Ku janë pikat e grumbullimit?!
Ku janë subvencionet?!
Ku janë cmimet e pesticideve, farërave e fidanëve?!
Po portat e shqyera me produkte bujqësore serbe e maqedone?!
Apo hajde të bëjmë sikur zihemi që të dalim burra të mirë në fund, se “këta” aq kanë, nuk marrin vesh!
Braçe bëhu njëherë serioz!
Të paktën jashtë parlamentit…
