Kandidati i parë i PD-së në Shkodër, Romeo Gurakuqi ka kërkuar shkarkimin e Ilir Metës si President, pasi sipas tij ai ka shkelur Kushtetutën duke bërë fushatë për LSI-në.
Lidhur me deklaratën e fortë, ka reaguar nënkryetari i LSI-së, Luan Rama, i cili është përgjigjur me ironi për historianin.
Sipas Ramës, Gurakuqi nuk e njeh Kushtetutën, ndërsa ironizon emrin e kandidatit të PD-së, duke pyetur se çfarë mendon “Zhulieta”.
REAGIMI I LUAN RAMËS:
Çfarë paska thënë Romeo Gurakuqi?!
“… presidenti i zgjedhur e ka shkelur Kushtetutën, sepse vazhdon të bëjë fushatë në një kohë kur ai duhet shkarkuar sepse e ka shkelur Kushtetutën…! ”
Çfare fjalie – shprehja më domethënëse që provon se gjuha është materia e mendimit!
Mirë që Romeo nuk e njeh Kushtetuten, po Zhulieta çfarë mendon?
