Gjykata e Kurbinit ka lënë në burg për 40 ditë Alfred Prodanin, Drejtorin e Ujësjellësit të Kurbinit. Gjykata e Kurbinit vendosi sot masën e sigurisë “arrest me burg” 40 ditë për Alfred Prodanin, duke iu dhënë kohë autoriteteve, që brenda kësaj kohe të bëjnë procedurat për ekstradimin e tij drejt Spanjës.
Burimet bëjnë me dije se Prodani është arrestuar për llogari të Interpolit, pasi dyshohet se ka kryer vjedhje ne Spanjë.
Edhe pse para disa kohësh Prodani është akuzuar nga ish-kryeministri Berisha në 2019 për vjedhje, ai i ka mohuar këto akuza. Prej 9 vitesh, Alfred Prodani mbante postin e Drejtorit të Ujësjellës-Kanalizime në Kurbin, si përfaqësues i Partisë Socialiste.
Alfred Prodani ishte në kërkim nga autoritetet spanjolle që prej vitit 2013, ndërsa në vendin tonë ai ishte Drejtor i Ujësjellësit të Kurbinit.
