Cristiano Ronaldo duket se nuk ndjehet i sigurt në Torino dhe për këtë arsye i ka kërkuar klubit që ti shtohen truprojat. Sipas gazetës Corriere di Torino, pesë herë fituesi i “Topit të artë” është i shqetësuar së shtëpia e tij në parkun Gran Madre është shumë e ekspozuar ndaj publikut, dhe për këtë arsye kërkon nga klubi i tij të ri t’i ofrojë më shumë siguri.
Kur ylli portugez u bashkua me bardhezinjtë kërkoi një truprojë për familjen e tij dhe një për shtëpinë, por tashmë ka kërkuar që edhe ai një të tillë që ta shoqërojë kudo që ai shkon. Kjo ide i ka lindur Ronaldos pas ndeshjes me Chievon në “Bentegoti” ku policia kishte sjellë në stadium edhe trupat kundër terrorizmit, gjë që ka sjellë ankth tek portugezi dhe familja e tij.
Ronaldo tanimë është ambientuar në shtëpinë e tij të re në Torino, si dhe djali i tij, Cristiano Jr, i cili ka filluar të stërvitet po ashtu në akademinë e të rinjve të Juventus.
