Pas orësh të tëra negociatash me anë të policisë dhe një psikologu, është bërë e mundur që një 42-vjeçar mos ti jepte fund jetës. 42-vjeçari Andon Ziu nga Kuçova ka zbritur nga shtylla e tensionit të lartë, pasi kërcënoi se do të vetëvritej.
Ai kishte marrë një gjobë me vlerën 5 milion lekë nga Bashkia e qytetit, për ndërtim pa leje. Kjo e ka çuar atë të ndërmarrë një akt të tillë.
Njoftimi i policisë:
Në vijim të informacionit të dhënë pak më herët në lidhje me shtetasin A.Z, i cili kishte hipur mbi një shtyllë elektrike dhe kërcënonte se do të hidhej, ju bëjmë me dije se:
Shërbimet e Policisë në prani dhe të një psikologu, pas dy orësh negociatash, bënë të mundur që shtetasi i lartëpërmendur, rreth orës 12:40 të zbriste nga shtylla elektrike pa pasur probleme për jetën.
