Vijojnë kërcënimet ndaj ministrit të Brendshëm italian, Matteo Salvini.
Së fundmi, Salvinit i është dërguar një zarf, brenda të cilit kishte një plumb 9 kalibër. Zarfi drejtuar ministrit u sekuestrua në Qendrën Postare të Romës, ndërsa nuk bëhet ende i ditur dërguesi, pasi mungonte pulla postare.
Në lidhje me këtë rast, ka reaguar edhe vetë Salvini, i cili shprehet se nuk frikësohet aspak.
“Ata po më kërcënojnë dhe mendojnë se unë kështu trembem. Mirëpo, ata nuk më trembin dot, asesi. Më shumë se një politikë që shpesh është hipokrite, besoj në solidaritetin e miliona italianëve të respektuar të cilët do të votojnë të dielën”, deklaroi Salvini.
