Deputetja e PDIU-së ka marrë disa mesazhe fyese e kërcënuese në adresën e saj në Facebook. Ka qenë vetë deputetja ajo që i ka bërë publike këto mesazhe, teksa shkruan se të gjitha këto kërcënime dhe fyerje, vetëm e bindin në drejtësinë e kauzës së shqiptarëve të Iliridës.
Siç duket në fotot e mëposhtme, kërcënimet janë nga shtetas të huaj, të bëra në gjuhën angleze, ndërsa në një prej komenteve kërcënuese shkruhet: “E ke ti radhën pas Zijadin Selës”.
Postimi i Dodës në Facebook:
Te dashur miq! Kam marrë dhjetra mesazhe kërcenimi e sharjesh të padëgjuara më parë në adresën time sa herë kam folur për çështjen e shqiptarëve të Iliridës. Po sjell përpara jush vetem disa prej tyre që janë në anglisht, sepse ka me qindra në gjuhën e maqedonsve dhe këtë po e bëj për një arsye të vetme.
Kur këto guxojnë të kërcënojnë një deputete shqiptare qindra kilometra larg shtetit të tyre, mendoni se çfarë presioni dhe dhune janë të detyruar të durojnë shqiptarët e Iliridës atje nga kafshë mbushur me urrejtje dhe dhunë.
Sa per dijeninë tuaj shprehje të tilla dhune ekstreme nuk bejnë asgjë tjetër perveçse më bindin në drejtesinë e kauzës së shqiptarëve të Iliridës.
#gjithe_shqiptaret_bashke
[ngg_images source=”galleries” container_ids=”80″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
