Dritan Tota, Drejtori i i Përgjimeve të Shërbimit Informativ Shtetëror, dhe familja e tij janë kërcënuar me jetë. Mësohet se z.Tota ka marrë një mesazh nga një numër kosovar ku ai është kërcënuar për jetën e tij dhe të familjes së tij.
Drejtori i SHISH ka bërë denoncimin në prokurori pasi ndjehet i rrezikuar dhe ka frikë për sigurinë e familjes së tij. Sipas ‘GSH’ rasti është regjistruar si procedim penal me motiv “Kanosje për shkak të detyrës”.
Tota ka kërkuar mbrojtje nga shteti, dhe megjithëse çështja po mbahet sekret, burimet theksojnë se një nga pistat më kryesore ku po hetohet është ngjarja e arrestimit të myslimanëve në Shkodër para ndeshjes me Izraelin.
