Ish-kryeministri francez, François Fillon, është dënuar me burgim për keqpërdorim të fondeve publike. Mediat e huaja raportojnë se një gjykatë franceze ka dënuar sot ish-kryeministrin francez me pesë vjet burgim. Tri prej të cilave të pezulluara, për përvetësim të fondeve publike, skandal që ndikoi tek gara për zgjedhjet presidenciale të vitit 2017.
Kjo gjykatë ka shpallur fajtore edhe bashkëshorten e François Fillon, Penelope, për pjesëmarrjen e saj në mashtrim. Nga ku ka përfituar rreth 1 milion euro për punën e saj minimale si asistente parlamentare e burrit të saj, transmeton agjencia e lajmeve Reuters.
Ajo është dënuar me tri vjet burgim të pezulluar. Lidhur me këtë rast, gjyqtarja Nathalie Garavironi, ka thënë se ish-kryeministri 66 vjeçar, ka shfrytëzuar fondet publike për të paguar gruan e tij në mënyrë disproporcionale me punën e bërë.
“Zonja Fillon është punësuar në një pozitë pa angazhim”, ka thënë Gararino. Por avokati i çiftit, Antonin Levy, ka thënë se do ta apelojnë vendimin.
