Një person ka humbur jetën sot në Pukë, si pasojë e këputjes së një kabulli të tensionit të lartë elektrik.
55-vjeçari me iniciale B.S. nga fshati Rryp i Pukës u gjet i pajetë nga forcat zjarrfikëse, sot rreth orës 12:45.
Kabulli i tensionit të lartë, pas këputjes në vendin e quajtur ish-rezervat e shtetit në Njësinë Administrative Rrapë, kishte shkaktuar një vatër zjarri.
Forcat zjarrfikëse kanë gjetur në vendngjarje viktimën, i cili mendohet se ka humbur jetën si pasojë e kontaktit me tensionin e lartë elektrik.
